【逃犯條例】譚小環食店「渣哥」6月12日罷市　「渣哥」：一齊去搵返浸香港味

6月9日香港有103萬市民上街參加反送中遊行，惟政府如期將於6月12日繼續《條例草案》在立法會恢復二讀辯論。今日（6月10日）有多間公司及社會機構宣布會於12日罷市作為抗議，包括藝人譚小環及丈夫蔡強榮經營的「渣哥」，今日亦宣布加入「罷工」！

「渣哥一九九六」今日在facebook公布：

我哋一直最在乎嘅，就係嗰浸「香港味」。

但呢浸味成日俾人越吹越淡，我哋怕有朝一日，香港唔再似香港，香港人唔再似香港人，香港小食唔再似香港小食。

所以決定(6月12日)星期三，全線拉閘停業一日。希望同大家一齊去搵返浸香港味。

▲ （圖片：東星）

4年前，藝人譚小環跟老公蔡強榮（Eric）投資打本過百萬，首先在銅鑼灣開「渣哥」賣魚蛋，現時在九龍灣、東涌均有開分店，店內以港式小食如魚旦、燒賣、腸粉為主打，深受香港市民歡迎。